SIASA

 

 BALOZI WA KOREA YA KUSINI NCHINI TANZANIA AITEMBELEA WILAYA ILEMELA

 

 

Safari ya kuijenga Ilemela mpya inazidi kuchanja mbuga ambapo Siku ya jana Balozi wa Korea Kusini nchini Tanzania Mhe  Song Geum Young amezuru Manispaa Ilemela na kutembelea Kijiji cha Ihalalo kilichopo kata ya Sangabuye eneo linalotarajiwa kujengwa kijiji cha maendeleo mfano wa Semau Dong  nchini Korea

Akizungumza baada ya kuwasili Kijijini hapo Mhe Song amesema kuwa ametembelea kijiji cha Ihalalo kufahamu vizuri  eneo litalojengwa kijiji cha mfano ili kuwarahisishia wananchi Kupata  huduma muhimu katika kujieletea maendeleo

'… Mhe Rais wenu wa awamu ya kwanza alihimiza juu ya Uhuru na kazi na huyu wa Sasa anahimiza kufanya kazi, Sisi tutaendelea kushirikiana na Serikali yenu katika shughuli za maendeleo…'

Mhe Song pia ameahidi wananchi hao juu ya ujio wa wataalamu wa umeme wa jua watakao wasili kijijini hapo mapema mwakani

Nae mkuu wa wilaya Ilemela Dkt Leonard Masale aliyeambatana na Mstahiki Meya wa Ilemela Mhe Renatus Mulunga wamemuhakikishia balozi huyo juu utayari wa wananchi na Serikali katika kuwatumikia wananchi hao

'… Sisi kazi yetu ni kuwatumikia wananchi hivyo tunawakikishia utayari wa wananchi hawa na Serikali yao…'     alisisitiza Mkuu huyo wa wilaya

Wakati huo huo Mbunge wa Jimbo la Ilemela na Naibu Waziri wa ardhi, Nyumba na Maendeleo ya Makazi Dkt Angeline Mabula ameendelea na Ziara yake ya kusikiliza kero za wananchi na kuhamasisha maendeleo ambapo siku ya jana alikuwa kata ya Nyasaka

Mhe Mbunge amewasisitiza wananchi wa kata hiyo juu ya  kuitumia fursa ya urasimishaji wa makazi na kuwataka wamiliki wa viwanja visivyoendelezwa kuviendeleza mara moja

'… Urasimishaji maanake ni kwamba kasi ya ujenzi ilikuwa ni kubwa kuliko upimaji kwasababu serikali yenu ni sikivu badala ya kiwabomolea ikaamua kuwarasimishia…'    amesema Mbunge huyo

Kwa upande wake Diwani wa kata ya Nyasaka na Naibu Meya wa Manispaa Ilemela Mhe Shaban Maganga amemshukuru Mhe Mbunge kwa ziara zake anazozifanya Jimboni na kumhakikishia ushirikiano katika kuwaletea wananchi maendeleo

Imetolewa na

Ofisi ya Mbunge

Jimbo la Ilemela

21.12.2016