Alivyouawa Rais John F. Kenedy wa Marekani

Leokatika historia: Novemba 22, 1963 Rais John F. Kennedy ambaye ni rais wa 35 wa Marekani ameuawa kwa kupigwa risasi
wakati akisafiri katika mji wa Dallas, Jimbo la Texas akiwa katika gari lililokuwa wazi juu.
Mkewe Jacqueline Kennedy ambaye mara chache hufuatana na mumewe  katika safari za kisiasa, siku hiyo alikuwa pamoja na mumewe. Pamoja nao pia alikuwepo Gavana wa Texas John Connally na mkewe, katika safari ya maili 10 katika mitaa ya mjini Dallas Novemba 22.

Wakiwa katika gari aina ya Lincoln iliyoko wazi, familia ya Kennedy na Connallys walikuwa wakiwapungia mkono wananchi waliokuwa na shauku waliojitokeza kwa wingi pembeni mwa mitaa hiyo.

Wakati gari likiwa linapita Jengo la vitabu vya shule la Texas mnamo mida ya saa sita na nusu mchana, Lee Harvey Oswald amedaiwa kuwa alipiga risasi tatu kutoka ghorofa ya sita, akimjeruhi vibaya sana Rais Kennedy na kumjeruhi Gavana Connally.

Kennedy alitangazwa ameaga dunia dakika 30 baadae akiwa hospitali ya Dallas. Alikufa akiwa na umri wa miaka 46.