Mlipuko mkubwa waua watu 3 na kujeruhi wengine 7 karibu na bandari ya Mogadishu, Somalia

Mlipuko mkubwa umetokea leo jirani na bandari ya Mogadishu nchini Somalia na kuua watu watatu na kujeruhi wengine 7. Wakati tukio hilo linatokea watu walikuwa wakitoa mizigo yao bandarini na wengine wekiendelea na mihangaiko yao ya kila siku mtaani. Habari zinasema kuwa mtu mmoja aliyejitoa mhanga alijilipua jirani na eneo hilo na kusababisha vifo vitatu. Kwa taarifa iliyotolewa na BBC mtu huyo alilenga kuhalibu miundombinu ya ukusanyaji wa mapato katika bandari ya Mogadishu ingawa bado haijathibitishwa. Picha mbalimbali zilizagaa katika mitandao ya kijamii zilionyesha moshi mkubwa ukiwa umetanda juu ya anga la sehemu hiyo hali ambayo ilizua taharuki kwa wakazi wa maeneo hayo. Kamanda wa polisi katika eneo la tukio bwana Abdikadi Ahmed amethibitisha vifo hivyo na majeruhi. Taarifa zinasema kuwa vifo vinaweza kuongezeka muda wowote. Hakuna kikundi chochote mpaka dakika hii kimekiri kuhusika na tukio hilo. Mara kwa mara kundi la wanamgambo wa Al-Shabab limekuwa likitekeleza mashambulizi katika jiji la Mogadishu lakini kwa hili shambulio bado haijajuliakana ni akina nani wamehusika